කාල තරණය

මේ මොහොතේ ස්වර්ණවාහිනී නාලිකාවේද, හිරු TV නාලිකාවේද අලුත් අවුරුදු "සජීවී" (Live) වැඩසටහන් දෙකක් විකාශනය වෙමින් පවතියි. එම වැඩසටහන් දෙකේම, මහාචාර්ය ආරියරත්න කළුආරච්චි මහතා අසුන්ගෙන සිටියි....

By : Danula

Objective

මුහුණු පොත, එහෙමත් නැත්නම් Facebook එක. Facebook එක නිර්මාණය වුණේ සන්නිවේදන මාධ්‍යක් විදිහටයි. ඒත් මේ අරුම පුදුම සන්නිවේදන මාධ්‍යය, අද වෙනකොට එක එක අය, එක එක විදිහට භාවිතා කරන්න පුරුදුවෙලා ඉන්නවා.

සමහරු විනෝද වෙන්නත්, තවත් සමහරු දැනුම හුවමාරු කර ගන්නත්, තවත් සමහරු මිතුදම් ශක්තිමත් කර ගන්නත්, තවත් සමහරු විවේක සුවය පිණිසත් භාවිතා කරන අතරේ, Facebook එක ප්‍රකාශන මාධ්‍යක් විදිහටත් භාවිතා කරන අය නැතුවා නෙවේ.

අද වෙනකොට දින පොත් සටහන් තබන අය නම් හොයා ගන්නවත් නැති තරම්. ඒත් දින පොත් වෙනුවට, එදා දවසේ කළ කී දේවල්, මුහුණු පොතේ සටහන් තබන අය නම් එමටයි. එහෙම Facebook භාවිතා කරන අයත් වර්ග කිහිපයක් ඉන්නවා.

සමහරු එහෙම දේවල් ලියන්නෙ, සමාජයේ අවධානය සහ ආකර්ශනය ලබා ගන්න. කිහිඹුමක් ගියත්, ඒ කිහිඹුම ගැන සටහනක්, එහෙමත් නැත්නම් Status එකක් දාන්න, ඒ අය අමතක කරන්නෙ නෑ.

මේ අතරෙ අනිත් අයට දැනුම ලබා දීමේ චේතනවෙන් දෛනික සිදුවීම් Facebook එකේ ලියන අයත් නැතුවා නෙවේ. තවත් සමහරු දෛනික සිදුවීම් ලියනවා, අනිත් අයව දැනුවත් කිරීමේ අරමුණින්. සාමාන්‍යයෙන් ඒ වර්ගය යටතට ගැනෙන්නෙ, අද සමාජයේ වැඩියෙන්ම කතා බහට ලක් වෙන මාතෘකා.

"මට වඩා උගතෙක් නෑ. මමයි ඔක්කොම දන්නෙ. මම හරි දාර්ශනිකයි" කියන පටු මානසිකත්වයෙනුත් ඒ විදිහට සටහන් ලියන අය නැත්තෙමත් නෑ. මේ අතරෙ තවත් වර්ගයක් ඉන්නවා, අනිත් අයට විනෝදයක් ලබාදීමේ අරමුණිනුත් මේ වගේ දේවල් සටහන් කරන.

අපිත් ඉතින් දවස ගාණෙ බස්වලයි, මහ පාරෙයි, අහු මුළුවලයි ඇවිදිනකොට ගොඩක් දේවල් මේ ඇස් දෙකෙන් දකිනවා. ගොඩක් දේවල් මේ කණ් දෙකෙන් අහනවා. ඒ දේවල් අතරේ අසාමාන්‍ය, එහෙමත් නැත්නම් විශේෂ දේවල් එහෙමත් නැතුවා නෙවේ. අපිත් ඉතින් ඉද හිට ඒ වගේ සමහරක් දෛනික සිදුවීම් Facebook එකේ සටහන් කරනවා. ඒ ඉතින් පොරක්වීමේ අදහසින් නම් නෙවෙයි. අනිත් අයත් එක්ක ඒ අත්දැකීම බෙදා ගැනීමේ අදහසින්. ඒ හරහා සංවාදයක් ගොඩ නැගීමේ අදහසින්. ඒ වගේම විනෝදය පිණිස ලියන සටහන් එහෙමත් තියෙනවා.

Facebook එකේ මෙහෙම ලියන සටහන් තියෙන්නෙ දවසයි දෙකයි. ඊට පස්සෙ ඒවා හොයා ගන්නවත් නෑ. මොකද ඉතින් ඒ තරමටම අපේ ගිණුම් තත්පරෙන් තත්පරේට යාවත්කාලීන වෙනවා. ඒ නිසාම, එහෙම ලියන සටහන් වෙනුවෙනුත් Blog අඩවියක් වෙන් කරලා තියන්න හිතුනා. එතකොට ඔයාලට අවස්ථාව තියෙනවා, එහෙම ලියපු සටහන් ඔක්කොම ටික, කිසිම කරදරයක් නැතුව, එකම තැනකින් කියවන්න.

ඒ විතරක් නෙවේ, ඉස්සරහට ලැබෙන අලුත් අත්දැකීම් ආශ්‍රයෙන්, Facebook එකේ ලියවෙන සටහන් එහෙමත් මේ පිටුවට එකතු වෙනවා කියන එකත් හොදට මතක තියාගන්න ඕන..!!!!!

යමින් එමින් ගමන්

කාල තරණය

No comments:

Objective

Categories

Authors

Followers

Featured Post

තෙරුවන් සරණයි

Popular Posts

Tags

Random posts